Balinya akana kuvunja mkataba Yanga

Mshambuliaji wa Yanga Juma Balinya amesema anarejea kwao Uganda kwa ajili ya mapumziko, atarudi kuendelea na majukumu yake Yanga

Mapema leo kulizagaa taarifa kwenye mitandao ya kijamii zinazodai kuwa baadhi ya nyota wa Yanga wamevunja mikataba yao wakieleza kuwa sababu ni madai ya mishahara

Balinya amesema yeye ni mwajiriwa wa Yanga kwa wale wanaodhani ameondoka klabuni wasubiri waone kama hatarudi

"Nimechoshwa na maswali yenu, mimi sijaajiriwa Uganda, nimeajiriwa Tanzania nikimaliza mapumziko nitarudi kuendelea na majukumu yangu," alisema

Balinya ni mmoja wa wachezaji wanne ambao mapema leo taarifa zilizagaa kuwa amevunja mkataba

Wengine ni Lamine Moro, Sadney Urikhob na David Molinga

Uongozi wa Yanga umekanusha taarifa hizo na kusisitiza wachezaji wake wa kigeni wameondoka kwa kuwa wamepewa mapumziko maalum wakaone familia baada ya ligi kusimama



Kwa habari zaidi Download App ya SOKA KIGANJANI kutoka Play Store.