Vyombo vya habari Zambia vyaripoti kuachwa kwa Kalengo Yanga

Mtandao wa Zambianfootball umeripoti kuachwa kwa mshambuliaji Maybin Kalengo aliyekuwa akiitumikia Yanga akitokea klabu ya Zesco United

Kalengo aliyepata majeraha ya kuvunjika mguu katika mchezo wa kirafiki dhidi ya Pamba Fc mwezi Oktoba, ameitumikia Yanga kwa miezi sita tu

"Kalengo mwenye umri wa miaka 21 alishindwa kuonyesha makali kwa Wana Jangwani hao tangu alipojiunga nao mwishoni mwa mwezi wa sita. Amerejea nyumbani karibuni kuuguza majeraha. Taarifa zimebainisha kuwa ameambiwa asirejee katika klabu hiyo," wameripoti zambianfootball

Yanga imejipanga kuimarisha kikosi chake wakati wa usajili wa dirisha dogo linalofunguliwa Disemba 16

Wataitumia nafasi ya Kalengo kusajili mshambuliaji mwingine

Aidha Issa Bigirimana 'Walcott' ni nyota mwingine ambaye anaweza kuachwa

Mapema mwezi huu Bigirimana alipewa ruhusa ya kurejea kwao kama ilivyo kwa Kalengo kushughulikia matatizo binafasi

Licha ya kurejea nchini, Uongozi wa Yanga umemtaka ajieleze baada ya kuchelewa kurudi

Kaimu Kocha Mkuu wa Yanga Charles Mkwasa alimzuia kufanya mazoezi hadi hapo atakapomalizana na uongozi