Ikiwa zoezi la usajili kwa Klabu zingine ukiendelea Yanga SC tayari imepeleka majina ya wachezaji watakaoshiriki katika michuano ya kombe la Klabu Bingwa Afrika msimu ujao.

Kaimu katibu wa Klabu hiyo Dismas Ten amesema kuwa wamepeleka majina ya wachezaji 26 na kubakiza nafasi nne ambazo zitajazwa katika usajili wa dirisha dogo watakaposajili wachezaji wengine.

Pia Ten amesema kuwa mazoezi yanaendelea katika Kambi waliyoiweka mkoani Morogoro kwa ajili ya maandalizi ya Ligi kuu Tanzania bara na mechi za kimataifa.

Kikosi hicho kikiwa mkoni humo kitakuwa na mechi za kirafiki tano kwa lengo la kuendelea kujipima zaidi na kujitayarisha na msimu mpya.