Italia na Ujerumani watupwa nje kombe la dunia kwa wanawake

Timu ya taifa ya wanawake ya Ujerumani, imetupwa  nje ya kinyang’anyiro cha kuwania kombe la dunia, baada ya kufungwa mabao 2-1 na Sweden.

Katika mechi hiyo ya robo fainali, Ujerumani ilitangulia kufunga mnamo dakika ya 16, lakini Sweden walirejea kwa kishindo na kufunga bao la kusawazisha na la ushindi mnamo dakika ya 48. Katika mechi nyingine ya robo fainali, Uholanzi pia iliwashinda Italia mabao 2-0.

Ujerumani na Italia wamejiunga na wenyeji wa michuano hiyo Ufaransa, kwenye orodha ya miamba wa Ulaya ambao wamelazimishwa kuyaaga mashindano hayo.

Kwenye nusu fainali, Sweden sasa itacheza na Uholanzi, nao mabingwa watetezi Marekani watachuana na England.