Mchezaji wa Simba adai yupo fiti kupambana na Mohamed Salah

Mchezaji wa timu ya Taifa ya Uganda na klabu ya Simba, Juuko Murshid amesema kuwa yupo fiti kumenyana na Misri bila kuhofia uwepo wa nyota Mohamed Salah anayekipiga Liverpool.

Uganda itamenyana leo na Misri uwanja wa Cairo International ikiwa ni mechi ya mwisho kwenye kundi A ambalo Misri anaongoza akiwa na pointi sita huku Uganda wakiwa na pointi nne nafasi ya pili.

"Tunaamini mechi itakuwa ngumu ila kwenye mpira lolote linaweza kutokea kwa sasa hatuna hofu tupo tayari kupambana," amesema.