ZAHERA AMKATAA MANARA YANGA
Kocha mkuu wa Yanga, Mwinyi Zahera amesema hawezi kumpokea msemaji wa klabu ya Simba, Hajji Manara ndani ya timu hiyo na hawezi kufanya nae kazi.
Manara aliweka ahadi kuwa atahamia Yanga endapo Liverpool itaweza kuwatoa Barcelona katika hatua ya nusu fainali ya ligi ya mabingwa Ulaya hasa baada ya Barca kuibuka na ushindi wa mabao 3-0 kwenye mchezo wa kwanza uliopigwa Nou Camp.
Jana usiku Liverpool ilipindua matokeo kwa kuifunga Barcelona mabao 4-0 hivyo kufanikiwa kutinga fainali ya ligi ya mabingwa Ulaya.
Zahera amesema Manara alidhani hata Ulaya timu zinabebwa kama huku na atakuwa amejifunza kuchagua maneno ya kuongea kuhusu soka la Ulaya. “Nasema hivi mimi nadhani Manara aliwaza kama mpira wa Ulaya wa kubebwa kama yeye alivyozoea. Hapana Ulaya hakuna mpira wa kubebwa, sasa mkiniuliza kama nita mpokea kwetu Yanga, Zahera hawezi mpokea sababu mimi siwezi sipendi timu yangu ibebwe anaweza kubakia kule ipo (Simba),” alisema Zahera.
The post Zahera amkataa Manara Yanga appeared first on KWATA UNIT SPORTS & ENTERTAINMENT.
0 Comments