Zahera amejikuta akisifu kiwango cha straika huyo akidai amekuwa akimfuatilia kwa muda mrefu katika mechi za Ligi Kuu na kuridhika na uwezo wake kisoka.
Chirwa aliyeichezea Yanga kwa misimu miwili kabla ya msimu uliopiota kutimka Misri kucheza soka la kulipwa huko na katikati ya msimu alirejea na kujiunga na Azam baada ya Yanga kuzingua.
Zahera ndiye aliyemkaushia Mzambia huyo aliporejea ndipo naye akasepa Azam ambayo ameisaidia timu hiyo kuwa na makali akishirikiana na akina Donald Ngoma. Azam ipo fainali ya Kombe la FA ikitarajiwa kuvaana na Lipuli kuwania tiketi ya CAF 2019-2020.
Kocha huyo alisema Chirwa ni bonge la mchezaji, lakini akikataa kuweka wazi kama anaweza kumrejesha tena kikosini kwa msimu ujao kwani, Mzambia huyo anaelekea kumaliza mkataba Chamazi.
“Chirwa ni mchezaji mkubwa na anapambana sana katika uchezaji wake hata kwa mechi nilizomuona ana kitu ambacho wengine hawana, ila nilimkataa kwani, hawezi kuvumilia matatizo,” alisema.
Zahera alipobanwa kwa kiwango alichokiona kwa Chirwa hawezi kumwongeza kikosi ili awaongezee nguvu kina Makambo naye alijibu kwa kifupi;
“Katika mpira lolote linaweza kutokea ni kawaida sana mchezaji kwenda na kurudi, lakini siwezi kumsajili kwa kipindi hiki kabisa.”
0 Comments