KIUNGO mwenye mbwembwe Uwanjani wa timu ya Simba, Clatous Chama amesema kuwa wachezaji wana morali ya kupambana na lengo kubwa ni kulibakiza kombe la SportPesa Cup msimu huu Tanzania.
Chama alifanikiwa kuwa mchezaji bora kwenye mchezo wa robo fainali dhidi ya AFC Leopards na alifunga bao 1 kati ya 2 ambayo walishinda yaliyowapeleka hatua ya nusu fainali ambayo inachezwa leo dhidi ya Bandari.
Chama amesema furaha ya wachezaji ni kuona wanafuta machozi ya kufungwa mabao 5-0 na AS Vita hivyo watapambana leo mbele ya Bandari kupata matokeo.
"Tunacheza kwa kuelewana tukiwa uwanjani tunatambua kwamba hali ya mashabiki ni ya huzuni baada ya kupata matokeo mabaya AS Vita hivyo lengo letu litatimia kwa sasa.
"Hesabu zetu ni kuona tunabakiza kombe hili hapa Tanzania msimu huu na lisitoke kwenda nje ya nchi mashabiki waendelee kutupa sapoti tunaweza kufanya makubwa," alisema Chama.
Simba watacheza leo hatua ya nusu fainali dhidi ya KK Bandari huku Mbao watacheza na KK Sharks katika michuano hii ambayo msimu huu atapatikana bingwa mpya kutokana na mtetezi Gor Mahia kutolewa na Mbao.
0 Comments