Wachezaji Simba wasubiri kocha mpya

Kikosi cha Simba kinafanya mazoezi ya Gym wakisubiri ujio wa kocha mpya ambaye atawekwa hadharani kabla ya Ijumaa ya wiki hii

Meneja wa mabingwa hao wa Tanzania Bara Patrick Rweyemamu amesema kwa sasa hawana program maalum ya mazoezi wakisubiri ujio wa kocha huyo

Denis Kitambi ambaye alikabidhiwa majukumu ya kuinoa Simba baada ya Aussems kutimuliwa, nae ameondoka kuhudhuria mafunzo ya UEFA

Bado Simba haijamtangaza kocha msaidizi Selemani Matola na pengine watamuweka hadharani siku ya kumtangaza kocha mkuu

Simba inakabiliwa na mechi mbili za kufunga mwaka, ambapo kati ya Disemba 22-28 itacheza na Arusha United, mchezo wa raundi ya tatu kombe la FA

Disemba 30 itaumana na Ndanda Fc ukiwa ni mchezo wa ligi kuu

Mabingwa hao wa nchi watauanza mwaka 2020 kwa kuumana na watani zao Yanga katika mchezo ambao utapigwa uwanja wa Taifa Januari 04



Kwa habari zaidi Download App ya SOKA KIGANJANI kutoka Play Store.