Hatma ya Kocha Msaidizi Yanga kufahamika mwishoni mwa wiki

Kamati ya Ufundi ya klabu ya Yanga itakutana mwishoni mwa wiki kupitisha jina la kocha msaidizi wa timu hiyo, imefahamika

Tangu alipoteuliwa Charles Mkwasa kuwa Kaimu kocha Mkuu mwezi uliopita, amekuwa akisaidiana na Said Maulid (SMG) ambaye ni mkufunzi wa timu ya vijana pamoja na Dismas Ten ambaye ni Meneja wa timu

Hata hivyo pamoja na kuwa mchakato wa kusaka kocha mkuu haujakamilika, uongozi wa Yanga umeamua kumaliza mchakato wa kocha msaidizi kwanza

Upo uwezekano Mkwasa ataendelea kuinoa Yanga mpaka mwishoni mwa msimu

Kocha wa Kagera Sugar Meckie Mexime ndiye anatetajwa zaidi kuwa anaweza kutua kwa mabingwa hao wa kihistoria

Mexime amesema kuwa yuko tayari kujiunga na Yanga kama watafikia makubaliano

Mwingine anayetajwa ni Kalimangonga Ongala aliyewahi kuzinoa klabu za Azam Fc na Majimaji ya Songea

Kwa habari zaidi Download App ya SOKA KIGANJANI kutoka Play Store.