Aussems uso kwa uso na mabosi wa Simba leo

Kocha Mkuu wa Simba Patrick Aussems leo atafika mbele na Kamati ya Maadili ya klabu hiyo kujibu tuhuma zinazomkabili

Aussems alisimamishwa tangu Jumapili iliyopita akisubiri hatma yake baada ya kikao hicho

Macho na Masikio ya Wanamsimbazi ni kwa uongozi wa klabu hiyo wakisubiri nini kitaamuliwa kuhusu kocha huyo aliyejijengea sifa kemkem katika msimu mmoja alioitumikia Simba

Lakini haimaanishi Aussems kufikishwa katika Kamati hiyo kuwa moja kwa moja atafukuzwa Simba

Aussems sio wa kwanza kufikishwa mbele na Kamati ya Maadili, baadhi ya wachezaji walifikishwa kwenye Kamati hiyo kujibu tuhuma mbalimbali zilizowakabili

Ni utaratibu ambao Simba inautumia kushughulikia masuala mbalimbali ya nidhamu kwa waajiriwa wake