KIPA wa Taifa Stars, Juma Kaseja, amejikuta akijadiliwa na mashabiki wa soka wa Kenya, baada ya kupangua penalti katika mchezo wa juzi wa michuano ya Chan dhidi ya Harambee Stars.
Mchezo huo ulipelekwa hatua ya matuta baada dakika 90 kumalizika kwa suluhu, kama ilivyokuwa katika mchezo wa kwanza uliopigwa kwenye Uwanja wa Taifa, Dar es Salaam wiki moja nyuma.
Katika mchezo juzi, Taifa Stars ilisonga mbele kwa ushindi wa mikwaju ya penalti 4-1 dhidi ya Harambee Stars.
Kaseja aliibua mjadala kwa mashabiki wa Kenya kwa jinsi alivyoweza kuibeba Stars, kwani hawakuamini angefanya mambo makubwa katika mchezo huo.
Mmoja wa mashabiki wa Harambee Stars, Victor Otieno, alisema Kaseja ni kipa mzuri, licha ya kwamba ana umri mkubwa na alikuwa makini langoni kwa muda wote
Kwa upande wake, kocha wa Stars, Etienne Ndayiragije, aliwapongeza wachezaji kwa kujituma uwanjani na kupata matokeo mazuri.
Ndayiragije alisema baada kusonga mbele wanakwenda kujipanga zaidi ili kufuzu michuano hiyo, raundi ya pili wakitarajia kukutana na Sudani.
0 Comments