Shabiki mmoja aliandika kwenye Twitter: "Maguire tafadhali hebu jiweke mbali na Jones na Young, watakutia ujinga wao wa kuboronga uwanjani."
Manchester, England.UTANI mwingine bana, unakaribia ukweli. Mashabiki wa Manchester United wamewaambia Phil Jones na Ashley Young wakae mbali kabisa na beki mpya wa timu hiyo, Harry Maguire.
Mashabiki hao wametoa onyo hilo la kuhusu beki wao huyo waliyemsajili kwa pesa mbili kujiweka mbali na mabeki hao wengine ili wasimwambukize ubovu wao. Maguire amekuwa kipenzi cha mashabiki huko Old Trafford tangu alipojiunga na timu hiyo kwa ada ya Pauni 80 milioni akitokea Leicester City.
Mwingereza huyo alinyakua tuzo ya mchezaji bora wa mechi baada ya kuonyesha kiwango kikubwa sana kwenye ushindi wa mabao 4-0 dhidi ya Chelsea kwenye Ligi Kuu England Jumapili iliyopita.
Lakini, baadhi ya mashabiki wa Man United wameanza kupaniki baada ya Man United kutuma picha kwenye mtandao wao wa kijamii zinazoonyesha Maguire akiwa karibu na Jones na Young wakicheka kwenye mazoezi ya timu hiyo wakijiandaa na mechi dhidi ya Wolves itakayopigwa Jumatatu.
Picha hizo ziliambatana na maneno haya: "Tabasamu pana kabisa tukijiandaa na mechi ya Jumatatu.#MUFC."
Lakini, mashabiki wa timu hiyo wameanza kuwa na wasiwasi kutokana na Jones na Young kuwa karibu na Maguire wakiamini kwamba watamwingiza ujinga wao na kuanza kucheza hovyo uwanjanni.Shabiki mmoja aliandika kwenye Twitter: "Maguire tafadhali hebu jiweke mbali na Jones na Young, watakutia ujinga wao wa kuboronga uwanjani."
Mwingine aliongeza: "Phil Jones anataka kumwambukia Maguire ujinga wake kupitia jasho."
Shabiki mwingine aliandika: "Maguire, kaa mbali na Jones na Young tafadhali. Hao watu ni majanga."
Mashabiki wa timu hiyo walipagawa na kufyumu zaidi baada ya kusikia kwamba Ashley Young atavaa kitambaa cha unahodha wa timu hiyo msimu huu.
0 Comments