Namungo Fc yamuwania Kabwili

Mlinda lango wa Yanga Ramadhani Kabwili anatajwa kuwaniwa na Namungo Fc ya mkoani Lindi ambayo itashiriki ligi kuu msimu ujao ikiwa imepanda daraja msimu huu

Kabwili aliyepata nafasi ya kubwa ya kucheza kwenye kikosi cha Yanga msimu huu baada ya timu hiyo kuachana na Beno Kakolanya, amemaliza mkataba lakini inaelezwa bado Yanga inaweza kumbakisha kwa kumpa mkataba mpya

Yanga iko kwenye mchakato wa kuboresha eneo la golikipa ambapo tayari imemsajili kipa wa Bandari Fc Farouq Shikalo

Aidha inaelezwa Yanga pia imekamilisha usajili wa mlinda lango wa Azam Fc aliyekuwa akicheza kwa mkopo klabu ya Mbao Fc Metacha Mnata

Tangu juzi viongozi wa Yanga walikuwa wakihaha kumsajili kipa huyo kabla hajajiunga na kambi ya timu ya Taifa

Baada ya usajili wa makipa hao, nafasi ya Kabwili imezidi kuwa finyu na huenda akaondoka

Namungo pia inaweza kumchukua kwa mkopo kinda Gustapha Saimon aliyepandishwa kikosi cha kwanza na kocha Mwinyi Zahera