Giroud apeleka ushauri Arsenal

STRAIKA wa Chelsea, Olivier Giroud, ameiambia timu yake ya zamani, Arsenal kuwa ili ifanikiwe inabidi itumie fedha nyingi katika soko la usajili.

Giroud ambaye ni raia wa Ufaransa, alijiunga na Chelsea akitokea Arsenal mwaka 2018 huku akiwa mmoja wa waliofunga mabao katika mchezo wa fainali wa Europa timu hizo zilipokutana kwenye Mji wa Baku.

“Arsenal inabidi watumie fedha kujenga timu, kikosi chao kina wachezaji wazuri lakini wanahitaji ushindani mkubwa kutoka kwa wenzao ndani ya klabu ili kuwa timu bora,” alisema.