Azam mabingwa kombe la FA

Azam Fc imeungana na mabingwa wa ligi kuu Simba kushiriki michuano ya CAF msimu ujao baada ya kuichapa Lipuli Fc bao 1-0 katika mchezo wa fainali uliopigwa uwanja wa Ilulu mkoani Lindi

Obrey Chirwa ndiye aliyeifungia Azam Fc bao pekee la ushindi katika mchezo huo ambao Lipuli Fc ilionyesha upinzani mkali kwa Wana 'rambaramba' hao

Licha ya kutwaa kombe, Azam Fc itapata zawadi ya Tsh Milioni 50

Azam Fc sasa itashiriki michuano ya kombe la Shirikisho Barani Afrika msimu ujao wakati Simba itarejea katika michuano ya ligi ya mabingwa baada ya kutwaa ubingwa wa ligi kuu msimu huu