Zana Coulibaly awagawa mashabiki Simba

Beki wa Simba, Zana Coulibaly amewagawa mashabiki wa Simba waliojitokeza kwenye Uwanja wa Uhuru Dar es Salaam kuishuhudia mchezo dhidi ya Kagera Sugar.

Coulibaly amewagawa mashabiki wa timu hiyo ambao baadhi wanaamini hana kiwango cha kuichezea timu hiyo huku wengine wakidai ni chuki binafsi.

Katika moja ya majukwaa ya mashabiki wa Simba, baadhi yao walisikika wakimponda Coulibaly huku wengine wakiwajibu kuwa hawampendi Coulibaly kwa chuki binafsi.

"Akifanya vizuri mbona hamsemi,  Hacheni chuki binafsi," alisika Shabiki aliyejitambulisha kwa Jina la bibi Halima Mohamed.

Shabiki mwingine, Said Mfanga alisema timu nzima hazijacheza vizuri dakika 30 za kwanza lakini anayelalamikiwa ni Coulibaly.

"Wanamlaumu Zana wakati timu yote haichezi katika kiwango bora, hizo ni chuki binafsi tu," alisikika.