Manula amvaa Tshabalala kisa bao

Kipa wa Simba, Aishi Manula ameshindwa kuzuia hisia zake akajikuta anamkoromea beki na nahodha wake wa mchezo, Mohammed Hussein 'Tshabalala' baada ya kujifunga.

Tshabalala akijifunga bao hilo ambalo lilikuwa la kuongoza kwa Kagera Sugar dakika ya 41, wakati anajaribu kuokoa mpira wa krosi iliyopigwa langoni mwa Simba.

Tukio hilo limetokea kwa sababu ya kutokuwa na mawasiliano mazuri kati ya Tshabalala na Manula ambao kila mmoja aliukimbilia kwa ajili ya kuokoa wakagongana.

Katika tukio hilo, Tshabalala alikuwa mtu wa mwisho akajifunga.  Manula alimfuata na kumkaba shingoni beki huyo huku akionekana kuchukia kabla ya kumwachia na wakaendelea na mchezo.

Pia, Manula alionekana kuzungumza na Tshabalala kwa hasira, alipogeuka kumjibu Yussuf Mlipili alimwonyesha ishara  beki huyo wa kushoto aondoke mahali alipokuwa karibu Manula akatii na kwenda katikati ya uwanja.

Bao hilo la Tshabalala liliwapeleka Simba mapumziko wakiwa nyuma kwa bao 1-0.