YANGA YAMFUATA KIUNGO HUYU FUNDI ALIYEWAPA TAABU SIMBA

UONGOZI wa Yanga umeamua kumfuata moja kwa moja kiungo mshambuliaji wa kikosi cha Kagera Sugar ambaye amekuwa  akiwapa taabu wachezaji wa Simba ambaye pia inasemekana anawindwa na mnyama ili avae jezi yao.

 Kwenye mchezo wa mwanzo uliochezwa Kaitaba alipachika bao la kwanza na mchezo uliochezwa uwanja wa Uhuru ambapo ilipoteza kwa kufungwa bao 1-0 alimsababishai kadi ya njano James Kotei.

Kassim Khamis, mwenye mabao sita kwenye Ligi Kuu Bara ambaye pia uwezo wake umemkosha Kocha Mkuu wa timu ya Taifa kwa sasa saini yake imeelezwa kuwa inawaniwa vikali na vigogo wa soka bongo ikiwa ni pamoja na Simba na Yanga.

Akizungumza na Saleh Jembe, Kassim amesema kuwa kwa msimu huu tangu arejee uwanjani amekuwa akipewa taarifa na meneja wake kwamba kuna viongozi ambao wapo kwenye mazungumzo naye hivyo kwa sasa anasubiri mkataba wake umalizike ndipo ajue jambo la kufanya.

"Nimepewa taarifa na meneja wangu ambaye anasimamia kazi zangu kwamba kuna timu kubwa ambazo zinahitaji saini yangu, ni jambo jema kwangu ila nimemwambia meneja ni lazima nisubiri sina haraka kwa sasa,

"Mwanzo nilikuwa na mazungumzo na Yanga, Alliance, pamoja na Tanzania Prisons hao wote niliwaambia wasubiri kutokana na matatizo ambayo nilipitia ila kwa sasa ninaanza upya," amesema Kassim.