BAADA ya Ofisa Habari wa Simba, Haji Manara kujirekodi video na kuweka ahadi kwamba endapo timu ya Liverpool ya England ikiifunga timu ya Barcelona ya Hispania kwenye Ligi ya Mabingwa atahamia Yanga uongozi wa Yanga umemkataa.
Manara alisema kuwa atahamia Yanga rasmi na kuisaidia kuchangisha fedha kwa moyo mmoja na kuvaa jezi yao na usiku wa leo Liverpool waliitoa Barcelona uwanja wa Anfield kwa kuifunga mabao 4-0 hali iliyofanya waitoe kwa idadi ya mabao 4-3.
Kocha wa Yanga, Mwinyi Zahera amesema kuwa hana mpango wa kumpokea mwanachama huyo mpya kwa kuwa amezoea kubebwa na asitarajie kuwa ndani ya Yanga.
"Duniani kote hakuna mtu anayekubali kubebwa kwenye mpira, inafaa kusamehewa naomba mumsamehe kwa kuwa hawezi kuwa ndani ya Yanga, amezoea kubebwa ataifanya na timu yangu ianze kupenda kubebwa," amesema.
0 Comments