London, England.Nyota wa Tottenham Hotspurs, Lucas Moura amemwaga chozi, baada ya kushuhudia marudio ya mkanda wa video ikimuonyesha akifunga bao la tatu dakika za nyongeza.
Moura alifunga mabao matatu ‘hat trick’ katika mchezo wa nusu fainali ya Ligi ya Mabingwa Ulaya dhidi ya Ajax Amsterdam ya Uholanzi.
Spurs ikiwa nyuma kwa mabao 2-0, ilipata ushindi wa maajabu kwa kuifunga Ajax mabao 3-2. Spurs itacheza na Liverpool,katika mchezo wa fainali.
Liverpool kama Ajax, ilibadili upepo kwani licha ya kufungwa mabao 3-0 ugenini kwenye Uwanja wa Nou Comp dhidi ya Barcelona ilishinda 4-0 ziliporudiana juzi mjini London.
Matokeo ya jumla ya timu hizo ni sare ya mabao 3-3, baada ya Ajax kushinda ba 1-0 katika nusu fainali ya kwanza kwenye Uwanja wa Tottenhama, lakini Spurs imesonga mbele kwa fainali ya mabao ya ugenini.
“Ni vigumu kueleza namna ninavyojisikia. Nina furaha kubwa sana, najivunia mimi binafsi na wachezaji wenzangu. Tumeamini kila kitu kinawezekana ndani ya uwanja,” alisema nyota huyo wa kimataifa wa Brazil.
Moura alisema hawezi kuzungumzia hisia zake ingawa alidai mabao aliyofunga ni zawadi kutoka kwa Mungu na ametoa kwa ajili ya wachezaji wenzake na mashabiki wa klabu hiyo.
Spurs ilipoteza mwelekeo, baada ya kufungwa mabao mawili na wachezaji Matthijs de Ligt na Hakim Ziyech kabla ya Moura kufunga matatu na kuing’oa iliyokuwa ikipewa nafasi ya kufuzu fainali.
0 Comments