KIPIGO cha mabao 3-2, walichokipata African Lyon, jioni ya leo Alhamisi kutoka kwa Mbao FC, kimewashusha daraja na sasa watacheza Ligi Daraja la Kwanza msimu ujao wa 2019-2020.
African Lyon ambayo ilipanda Ligi Kuu msimu huu na imekuwa ya kwanza kushuka na sasa wanangoja nyingine tatu watakazoungana nazo.
Baada ya kupoteza mchezo huo African Lyon wamebaki na pointi 22, baada ya kucheza mechi 34, wakishinda michezo minne sare 10 na kufungwa 20. Wamefunga mabao 21 na wameruhusu nyavu zao kutikiswa mara 46.
Matokeo hayo yamewapeleka African Lyon Ligi Daraja la Kwanza kwenye mbio za kuwania kurudi Ligi Kuu Bara kwa mara nyingine msimu wa 2020-2021.
Kushuka kwa Lyon kutazipisha timu ya mbili kutoka Ligi Daraja La Kwanza ambazo zimeshapata nafasi ya kupanda Ligi Kuu Bara msimu huu ambazo ni Namungo kutoka Lindi na Polisi Tanzania kutoka Moshi.
Inasubiri mechi za timu nyingine mbili ambazo zitacheza mechi za mtoano na timu za Ligi Kuu zitakazomaliza katika nafasi ya 17 na 18 kwenye msimamo.
0 Comments