SIKU chache baada ya Yanga kufanya usajili wa wachezaji wapya, winga wa kikosi hicho, Mrisho Ngassa, amefunguka na kusema anaiona timu mpya msimu ujao.
Hadi sasa Yanga imesajili wanne, straika Issa Bagirimana, winga Patrick Sibomana, beki wa kati Lamine Moro, kiungo Abdulazizi Makame Hassan na kumwongezea mkataba Papy Kabamba Tshishimbi.
Akizungumza na BINGWA jana, Ngassa alisema usajili uliofanywa ameanza kupata picha ya kikosi cha msimu ujao wa Ligi Kuu Tanzania Bara.
“Binafsi nimefurahishwa na usajili unaoendelea, ili mchezaji ufanye vizuri lazima nyuma yako wawepo wachezaji wengine bora, nina imani na usajili huu kuwa ni wachezaji wazuri,” alisema Ngassa.
Ngassa bado ana msimu mzima umebaki kuendelea kuitumikia Yanga, hivyo atakuwa miongoni mwa wachezaji wa kikosi cha timu hiyo kwa msimu ujao.
“Nimetulia nafuatilia usajili, tutatisha msimu ujao, niwaambie wapenzi na mashabiki wa Yanga watulie tutapata timu nzuri baada ya kupata uongozi mpya,’’ alisema Ngassa.
0 Comments