BAADA ya kikosi cha Lipuli kushinda mchezo wa nusu fainali ya pili ya kombe la Shirikisho dhidi ya Yanga kwa ushindi wa mabao 2-0, kocha Seleman Matola amesema kuwa hajafurahia ushindi huo.
Ushindi huo unakuwa ni wa pili mfululizo kwa Lipuli katika mechi za hivi karibuni uwanja wa Samora, kwani kwenye mchezo wao wa Ligi Kuu Bara alishinda bao 1-0 na juzi alishinda mabao 2-0.
Akizungumza na Saleh Jembe, Matola amesema anawapongeza wachezaji wake kwa kufuata maelekezo ila walikuwa na nafasi ya kufunga mabao zaidi ya matano kwenye mchezo huo.
"Mchezo ulikuwa mgumu na wenye ushindani ila tulikuwa na nafasi ya kufunga mabao matano, haikuwa bahati yetu kushinda mabao mengi ila nashukuru tumepata mawili sio mbaya kwetu.
"Yanga ni timu ngumu ila ukiwabana unapata matokeo na ndivyo nilivyofanya baada ya kauza kuwafunga mapema walijivuruga wenyewe kisha tukapeta," amesema Matola.
Hii inakuwa mara ya kwanza kwa kikosi cha Lipuli kutinga hatua ya fainali ya kombe la Shirikisho ambapo bingwa wa michuano hii anaiwakilisha nchi kwenye mashindano ya kimataifa.
0 Comments