MAURICIO POCHETTINO: BARCELONA INABEBA UEFA

MAURICIO Pochettino anaamini Barcelona wapo kwenye levo tofauti kabisa na amebeti kuwa vinara hao wa La Liga wana nafasi kubwa ya kutwaa ubingwa wao wa sita wa Ligi ya Mabingwa Ulaya, msimu huu.

United na Barcelona wanakutana katika robo fainali mwezi ujao, ikikumbukwa kuwa walikutana katika fainali mwaka 2009 na 2011 na mara zote hizo United akachezea kichapo.

Pochettino ambaye kikosi chake cha Tottenham kimepangwa kucheza na Manchester City kwenye robo fainali ya michuano hiyo, amesema: “Kama kuna timu moja iliyo na nafasi zaidi basi ni Barcelona.

(Ernesto) Valverde anafanya kazi nzuri. Wana wachezaji wa kiwango kisicho cha kawaida, halafu wana Lionel Messi. “Pia kuna timu kama Manchester City au Juventus ambao nao wana nafasi, lakini kuna timu za kushangaza. Na tunaamini Tottenham itashangaza.”