KOCHA mkuu wa timu ya Kagera Sugar, Mecky Maxime amesema kuwa hana mashaka na mchezo wake wa kesho dhidi ya Azam FC utakaochezwa Uwanja wa Kaitaba anaipindua Azam kibabe na kutinga nusu fainali.
Azam FC kwa sasa ipo chini ya Idd Cheche ambaye kwenye michezo minne aliyokaa benchi hajapoteza hata mchezo mmoja hali iliyompa hasira Maxime kutibua rekodi.
Maxime amesema hakuna mwalimu anayepeleka timu Uwanjani akipigia hesabu kupoteza hivyo Azam watawasamehe kwenye mchezo huo.
"Tunatumia Uwanja wa nyumbani tunamashabiki wetu na wachezaji wetu hivyo ni wakati wetu pia kupata ushindi, hesabu zetu ni kuona tunapenya hatua hii ya robo fainali.
"Hakuna kinachoshindikana kwenye mpira, makosa ya wachezaji tumeyafanyia kazi na tupo tayari kuandika rekodi mpya, mashabiki wajitokeze waone namna tutakavyopambana na timu bora kupata matokeo chanya," amesema Maxime.
Bingwa wa michuano hii anapata fursa ya kuiwakilisha nchi kimataifa kwenye kombe la Shirikisho.
0 Comments