NAMUNGO FC YA LINDI YAIPIGA MKWARA MZITO YANGA, WATAMBA 'KUICHINJA'

KUELEKEA katika mchezo wa FA ambao unatarajiwa kuchezwa jumapili, uwanja wa Majaliwa uliopo Ruhangwa, mkoani Lindi, uongozi umetamba 'kuichinja' Yanga kwenye uwanja wao wa nyumbani.

Ofisa Habari wa Namungo FC, Kidamba Namlia amesema wanatambua wanacheza na timu ya aina gani kwa kuwa tayari walicheza nayo mchezo wa kirafiki haiwapi taabu wanachofikiria ni matokeo chanya wasonge mbele.

"Hakuna hofu hasa na majina ama ukubwa wa timu, mpira ni uwanjani, wachezaji wana morali kubwa kutokana na mbinu wanazopewa.

"Kwenye uwanja wetu wa nyumbani tayari tumegeuza ni machinjio hivyo hakuna atakayetoka salama zaidi ya kisu tu," amesema Namlia.

Yanga atamenyana na Namungo kwenye mchezo wa FA ikiwa ni baada ya kuwango'a Biashara United kwa ushindi wa mikwaju ya penalti 5-4 uliochezwa uwanja wa Taifa baada ya dakika 90 kukamilika kwa sare ya kufungana mabao 2-2.