UONGOZI wa Azam FC, umetamba kuinyoosha Simba leo kwenye mchezo wa Ligi Kuu Bara utakaochezwa Uwanja wa Mkapa saa 10:00 jioni.
Ofisa Habari wa Azam FC, Jaffary Maganga amesema wanatambua ukongwe wa timu ya Simba pamoja na wingi wa mashabiki walionao ila hilo haliwapi taabu wamejiandaa kikamilifu.
"Simba ni timu kubwa ina mashabiki wengi pia ni timu kongwe, ila linapokuja suala la mpira mashabiki hawahusiki na matokeo, wachezaji ndio wanakuwa kazini.
"Tunazihitaji kwa dhati pointi tatu za Simba na hilo linawezekana kutokana na maandalizi ambayo tumeyafanya, mashabiki watupe sapoti," amesema Maganga.
Azam FC wamecheza michezo 24 kwenye ligi wakiwa na pointi 50 wakiiacha Simba nyuma kwa michezo saba na pointi nane, Simba imecheza michezo 17 na ina pointi 42 ikiwa nafasi ya tatu.
0 Comments