Kikosi cha Yanga kilicho chini ya kocha Mwinyi Zahera, kimeweka rekodi yake kwenye michuano ya SportPesa Cup kwa muda wa miaka mitatu kwa kushindwa kufika hatua ya fainali.
Ikumbukwe kuwa michuano hii ilifanyika kwa mara ya kwanza 2017 Dar es Salaam na wakati huu Yanga walijitahidi wakafika hatua ya nusu fainali wakashindwa kufika fainali baada ya kufungwa na AFC Leopards kwa penalti 4 kwa 2.
Wengi waliamini kikosi kitakuwa na makali zaidi mwaka 2018 hali ilikuwa mbaya kwa kikosi hicho kushindwa kufika hatua ya nusu fainali na kilitolewa hatua ya robo fainali na Kakamega Home Boys kwa kufungwa mabao 3-1 nchini Kenya.
Mwaka huu pia Yanga wameshindwa kuonyesha maajabu licha ya kikosi chake kuwa bora kilipoteza mchezo wake wa hatua ya robo fainali mbele ya KK Sharks Uwanja wa Taifa Dar es Salaam kwa kufungwa mabao 3-2.
Yanga wanaweka rekodi ya aina yake kwa kushindwa kufika hatua ya fainali mara tatu mfululizo huku wapinzani wao Simba mwaka 2018 walifika hatua ya fainali na wakaambulia kichapo cha mabao 2-0 mbele ya Gor Mahia.
0 Comments