SWALI LA MANYIKA KWA ZAHERA, AMTAKA AELEZE ALIPOMUONA KINDOKI

MANYIKA WAKATI AKIFUNDISHA KIKOSI CHA SEEB NCHINI OMAN

Kipa wa zamani mwenye heshima ndani ya Yanga, Manyika Peter ameingiwa wasiwasi juu ya uhusiano wa Mwinyi Zahera na Klaus Kindoki.

Manyika amesema; “Sijui kama anamfahamu vyema na alipata nafasi ya kumuangalia vizuri hadi kuweza kumleta Yanga.”

 “Nasema haya kwa sababu najua Zahera hana muda mwingi wa kuishi Congo  mpaka pale timu ya taifa inapocheza ndiyo anakuwa pale na muda mwingi yupo Ufaransa sasa huyu  Kindoki alimuona wapi au ndiyo mechi mbili tatu tu.

“Lakini pia inawezekana  Kindoki  akawa na matatizo yanayomkabili kumbuka anatoka sehemu yenye machafuko huenda akawa anahofu na mawazo pia na kama mlivyosema  alifiwa ingawa makosa anayotoka huko mwanzo.

“Na pia ubaya na uzuri wa Kindoki unaweza kuonekana pale ambapo anakuwa na beki nzuri na beki ya sasa ya Yanga imekuwa na makosa mengi ,”alisema Manyika.

 Spoti Xtra ilimtafuta kocha wa makipa wa Yanga Juma Pondamlai kuweza kufahamu kuhusu kiwango cha kipa wake Kindoki “ Suala la kusema viwango vya makipa wangu hilo siwezi zungumza labda aulizwe kocha mkuu.”

Source: Spoti Xtra