UNAAMBIWA KUMUONA AJIBU MIASISTI NI BUKU MBILI

KESHO mashindano ya SportPesa Cup yanatarajiwa kuanza kutimua vumbi rasmi kwenye Uwanja wa Taifa, Dar es Salaam.

Mchezo wa kwanza utakuwa dhidi ya Singida United wakimenyana na Bandari ya Kenya, mchezo huo utapigwa Uwanja wa Taifa, Dar es Salaam majira ya 8:00 mchana.

Mchezo wa pili utakuwa ni kati ya kikosi cha Yanga, kilicho chini ya nahodha mpya, Ibrahim Ajibu ambaye kwa sasa ni kinara wa asisti Ligi Kuu Bara atakiongoza kikosi chake kumenyana na KK Sharks ya Kenya saa 10:00 jioni Uwanja wa Taifa. 

Kiingilio ambacho kitakupa fursa ya kuwaona wachezaji wote wakiwa kwenye mtanange wao bei ya chini ni buku mbili (2,000) huku VIP B na C ikiwa ni buku tano (5,000) na VIP A ikiwa ni Msimbazi (10,000) .