BAADA ya kupoteza mchezo wao kwa kufungwa mabao 3-1 dhidi ya Baobab ya Dodoma kwenye Ligi ya wanawake maarufu kama Serengeti Lite Women's Premier League Kocha wa Simba Queens, Omary Mbweze amesema bado wana nafasi ya kupata matokeo katika michezo yao mingine inayofuata.
Mbweze amesema ushindani kwenye ligi ni mkubwa hivyo kila timu inapiga hesabu kupata pointi tatu hali inayofanya waweze kukutana na ugumu kupata matokeo.
"Wachezaji wetu wapo vizuri hasa kutokana na maandalizi ambayo tunayafanya ila changamoto kubwa tunayokutana nayo ni kushindwa kumalizia nafasi tunazotengeneza.
"Wachezaji wanajiamini na wanajua wana kazi ngumu mbele ukizingatia kwamba hii ni ligi na sio mtoano bado tuna nafasi ya kufanya vizuri michezo yetu ya mbele kutimiza malengo yetu," alisema Mbweze.
0 Comments