Usajili dirisha dogo kusubiri kocha mpya Simba

Mtendaji Mkuu wa Simba Senzo Mazingisa amesema wanakusudia kufanya maboresho ya kikosi kwenye dirisha dogo litakalofunguliwa ndani ya kipindi cha siku 10 zijazo

Hata hivyo hilo litakuwa jukumu la kocha mpya akayetua kurithi mikoba ya Patrick Aussems

Kumekuwa na tetesi kuwa Simba inamuwania mshambuliaji Tuisila Kisinda anayekipiga AS Vita Club

Mazingisa amesema mapendekezo ya usajili yatatolewa na kocha mpya hivyo kwa sasa wameweka nguvu zao kwenye mchakato wa kumpata kocha huyo

"Masuala ya usajili kwa sasa hatushughuliki nayo, bado tunahitaji kupata kocha mkuu ambaye atakifanyia tathmini kikosi kisha kutoa mapendekezo yake," amesema

Hata hivyo inaelezwa kabla Aussems hajatimuliwa alikuwa tayari amewasilisha ripoti ya mapendekezo yake kwa ajili ya maboresho wakati wa dirisha dogo

Aussems alipendekeza kusajiliwa mshambuliaji mmoja atakayesaidiana na washambuliaji waliopo