Sadney aanzia benchi

Awali Sadney alikuwa akitajwa kutofanya mazoezi na wenzake baada ya kudai sehemu ya pesa kwenye mishahara yake.

MSHAMBULIAJI wa Yanga, Sadney Urikhob ameanzia nje katika kikosi kinachoivaa Alliance muda Uwanja wa CCM Kirumba jijini Mwanza.

Awali Sadney alitajwa kugomea mazoezi ya timu hiyo akidai sehemu ya mshahara wake ingawa baadaye alijiunga na kikosi hicho kuelekea Mwanza.
Kocha Boniface Mkwasa hajamuweka katika kikosi kilichoanza, badala yake amemuanzisha Juma Balinya na David Molinga nafasi ya ushambuliaji.

Katika mchezo huu Alliance wanahitaji matokeo baada ya mchezo wao wa awali wakipokea kichapo cha bao 5-0 dhidi ya Azam FC, hivyo hawatokubali kupoteza, lakini upande wa Yanga wao wanaingia wakiwa na rekodi nzuri katika mchezo wao uliopita baada ya kuwafunga JKT Tanzania bao 3-2.

Kikosi kilichoanza katika mchezo huu ni Faroukh Shikhalo, Juma Abdul, Jafary Mohamed, Lamine Moro, Kelvin Yondan, Ally Mtoni,Deus Kaseke, Papy Tshishimbi, Juma Balinya, David Molinga na Patrick Sibomana.

Kwa upande wa wachezaji benchi yupo Ramadhan Kabwili, Said Juma, Raphael Daud, Sadney Urikhob, Mrisho Ngassa, Moustafa Seleman na Adam Kiondo.