Global…Waliooa FC vs Wasiooa FC Vita ya Karne Leo

 

HATIMAYE ule mpambano wa karne kati ya timu ya Waliooa FC dhidi ya Wasiooa FC unatarajiwa kufanyika leo Ijumaa majira ya saa kumi kwenye Uwanja wa CCM Sinza jijini Dar.

 

Mechi hiyo ambayo inawakutanisha wafanyakazi wa makampuni ya Global Group inatarajiwa kuwa ya upinzani mkali zaidi kutokana na timu zote kujiandaa kwa takribani wiki mbili.

 

Timu ya Waliooa FC ambayo imedhaminiwa na Hoteli ya Shavilla iliyopo Boko jijini Dar ilikuwa ya kwanza kutaja baadhi ya nyota watakaoanza katika mchezo huo wakiwemo Eric Shigongo, Abdallah Mrisho, Saleh Ally, Phillip Nkini, Wilbert Moland, Sweetbert Lukonge na John Joseph.

 

Waliooa FC watamkosa mshambuliaji wao machachari Michael Momburi kutokana na kuwa majeruhi baada ya kuumia kwenye mechi za Ndondo mtaani kwake na yupo kwenye maandalizi ya kupelekwa Afrika Kusini kwa matibabu.

 

Kwa upande wa Wasiooa FC iliyochini ya udhamini mnono wa Kessy Marketing Agency wanatarajia kuwapokea mastaa wake leo asubuhi katika uwanja wa ndege ambao ni Omary Mdose ‘Luiz’, Abdulghafal Ally, Said Ally ‘Fonte’ na Marco Mzumbe ‘Alonso’ wakitokea katika timu zao za Ulaya.

The post Global…Waliooa FC vs Wasiooa FC Vita ya Karne Leo appeared first on Global Publishers.