Watu 20 wauawa mjini Texas katika shambulio la risasi

Jumla ya watu 20 wameuawa na wengine zaidi kujeruhiwa baada ya mshambuliaji kuwafyatulia risasi hovyo watu waliokuwemo katika duka moja huko El Paso mjini Texas Marekani.

 Polisi wamemkamata mwanaume anayeshukiwa kuwa na umri wa kati ya miaka 20 hadi 21 na walikuwa wakichunguza tukio hilo kama uhalifu wa chuki.

Hapo awali msemaji wa polisi wa El Paso aliwaeleza waandishi wa habari kuwa, mtuhumiwa yupo kizuizini na ripoti za awali zinaashiria kuwa alitumia bunduki kubwa.

Wahanga wengi walimiminiwa risasi katika duka la Walmart kwa mujibu wa msemaji wa polisi Robert Gomez.

Gomez ameongeza kuwa wakati wa tukio hilo kulikuwa na karibu wateja 3000 kwenye duka. Mshambuliaji huyo alijsalimisha polisi baada ya kutenda uhalifu huo.

Polisi wanasema kwa hivi sasa wanachunguza ilani ya mshambuliaji huyo ambayo kwa kiwango fulani ina viashiria vya chuki.