Mbunge wa Jimbo la Hai na Mwenyekiti wa Chama cha Demokrasia na Maendeleo (CHADEMA), Freeman Mbowe amelishukuru Jeshi la Wananchi wa Tanzania (JWTZ) kuwa kiunganishi cha Taifa na kuendeleza umoja.
Mbowe ametoa kauli hiyo, wakati akitoa shukrani baada ya mazishi ya kaka yake, Meja Jenerali mstaafu, Alfred Mbowe.
“Jeshi limekuwa msaada mkubwa kwetu, limelia na sisi na halijatubagua kwa namna yoyote, naliomba liendelee kuwa kiunganishi kwa Taifa hili na litusaidie tuendelee kuwa wamoja,” alisema Mbowe.
"Kule Dar es Salaam Rais wetu (John Magufuli) alikuja kwa niaba ya Serikali na sisi tumepokea watu wa makundi mbalimbali wamekuja kututembelea na kutupa pole, na ndugu zetu wa CCM nitawaita watani wangu hawa hawajaja tukawakataza, kwa hiyo waliokuwa hapa wanachama wa Chadema wamekuja kwa mapenzi mema kumsindikiza mwenyekiti wao.”
0 Comments