Ubingwa wa ligi kuu wanukia Msimbazi

Simba inakaribia kutetea ubingwa kwa msimu wa pili baada ya leo kuichapa Ndanda Fc mabao 2-0 katika mchezo uliopigwa uwanja wa Uhuru

Mabao ya Meddie Kagere yameihakikishia Simba ushindi muhimu uliowafanya wajikite kileleni kwa tofauti ya alama tano baada ya kufikisha alama 88

Simba inahitaji alama moja tu kutoka michezo mitatu iliyobaki kuweza kutwaa ubingwa

Aidha mshambuliaji wake Meddie Kagere amejiweka katika nafasi nzuri ya kutwaa kiatu cha dhahabu baada ya kufikisha mabao 22

Simba inaweza kutwaa ubingwa keshokutwa Jumanne mkoani Singida itakapokuwa ugenini dhidi ya Singida United