KIKOSI cha Simba kimeweka rekodi yake kwa timu ya Ruvu Shooting baada ya kuwatungua nje ndani misimu miwili mfululizo waliyocheza nao kwa kufunga jumla ya mabao 17.

Rekodi hizo ni za msimu wa mwaka 2017/18 ambapo mchezo wa kwanza walifungwa mabao 7-0 pia mchezo wa marudiano walichapwa mabao 3-0.

 Msimu huu wa 2018/19 mchezo wa kwanza walipachikwa mabao 5-0 na waliporudiana tena Simba ilishinda kwa mabao 2-0 hali inayofanya ifungwe jumla ya mabao 17 kwenye michezo minne huku wao wakiwa hawajaambulia hata sare kwenye michezo yote waliyocheza.

Kwa sasa Ruvu Shooting inashika nafasi ya 16 kwenye msimamo wa ligi baada ya kucheza michezo 31 ikiwa imejikusanyia pointi 36.