SIMBA HAWAPOI WAISHUSHIA KIPIGO RUVU SHOOTING LEO TAIFA

KOCHA wa timu ya Simba, Patrick Aussems amesema kuwa uwezo wa kikosi chake unaendelea kukua kila siku hasa baada ya kupata matokeo chanya kwenye mchezo wao wa Ligi ya Mabingwa Afrika.

Simba leo wameibuka kidedea mbele ya Ruvu Shooting kwa ushindi wa mabao 2-0 ambayo yamefungwa kipindi cha pili kupitia kwa Paul Bukaba 52 na Meddie Kagere 56 kwa mkwaju wa penalti.

"Tunapambana kufanya vizuri kwa kuwa tuna mashindano makubwa ambayo tunakwenda kushiriki bado tuna kazi ngumu ya kufanya ila imani yangu kila kitu kitakuwa sawa," amesema Aussems.

Kocha wa Ruvu Shooting, Abdulmutik Haji amesema kuwa wameshindwa kupata matokeo licha ya kutengeneza nafasi nyingi walizopata.

"Tumetengeneza nafasi nyingi tumeshindwa kuzitumia ila bado tuna nafaasi ya kufanya vizuri, bado kuna matatizo kwa waamuzi," amesema.