SIKU YA MWISHO LEO, MWAKINYO KUPIMA UZITO DHIDI YA MUARGENTINA, KESHO NI "GISH, GISH, GISH"

  

 Bondia nyota wa Tanzania, Hassan Mwakinyo anashuka ulingoni jijini Nairobi nchini Kenya kumvaa raia Argentina, Eduardo Gonzalez.

Pambano hilo litafanyika kwenye Ukumbi wa Kimataifa wa Mikutano wa Kenyatta (Kenyatta International Conference Centre) jijini humo na leo ni Kazi ya upimaji uzito.

Mwakinyo amekuwa akiendelea kujifua chini kocha Tony Bellew kutoka Liverpool, Uingereza ambako alikuwa kambini chini ya ufadhili wa Kampuni ya Michezo ya Kubahatisha ya SportPesa.

Mbali ya Mwakinyo, pia Bellew anamfundisha bondia Fatuma Zarika ambaye atapambana na Catherine Phiri wa Zambia katika pambamo la ubingwa wa dunia wa uzito wa Super Bantamweight wa Baraza la Ngumi za Kulipwa Duniani (WBC).