HAWA WACHEZAJI STARS ACHA KABISA, WANA VITUKO BALAA

MASTAA wa Taifa Starz ambayo Jumapili itakuwa mzigoni kumenyana na Uganda kuwania kufuzu fainali za Afcon, Shiza Kichuy na Erasto Nyoni wana vituko wakiwa mazoezini hali inayoongeza morali kwa wenzao.

 Katika mazoezi yao ya hii karibuni Uwanja wa Boko Veteran ambayo yalishuhudiwa na Saleh Jembe Nyoni na Kichuya walikuwa na vituko vya kipekee.

Mara baada ya kufika Uwanja wa mazoezi Nyoni alishuka kisha akamsubiri bosi wake (akiwa Simba) John Bocco na kuanza kumsukuma ili awahi mazoezini huku akimtania na wote wakawa wanacheka kabla ya kumfuata Mudahthiri Yahya, Hasan Kesy na Himid Mao ambao wote aliwaacha wakivunjika mbavu baada ya kuwaambia jambo fulani.

Kichuya ndio balaa yeye baada ya kushuka kwenye gari kituo cha kwanza kwenye mipira ambapo alikaa juu ya mpira na kuanza kuwapigisha stori wachezaji wenzake ambao nao aliwaacha hoi.

Kituko kingine alifanya baada ya kumaliza kusali wachezaji wote wakiwa wameshikana mikono na kuunda duara yeye akaingia katikati na kuanza kuwatazama kama kwamba anatka kuwatangazia kitufulani wote wakagundua alikuwa anazingua wakaishia kucheka.

Stars inahitaji pointi tatu kwenye mchezo wa Jumapili ili kuweza kufufa matumaini ya kusonga mbele huku wakisikisikiliza matokeo kati ya Lesotho na Cape Verde endapo Lesotho atanyooshwa basi njia itakuwa nyeupe.