MOTO WA CHECHE WA AZAM UMEJIFICHA KWENYE HILI BONGO, SASA HESABU ZAKE NI KAGERA SUGAR

KOCHA wa timu ya Azam FC , Idd Chehe amesema kuwa kikubwa kinachompa matokeo kwenye michezo yake ya hivi karibuni ni ukaribu wake na wachezaji pamoja na morali ya wachezaji wakiwa Uwanjani.

Cheche ameongoza timu kwa mchezo minne mpaka sasa na hajapoteza mchezo hata mmoja hali inayomfanya aamini kwamba ataendeleza rekodi zake katika michezo yake yote atakayocheza.

"Ni ngumu kupata matokeo kutokana na ushindani uliopo ila kikubwa kinachotusaidia ni ushirikiano uliopo pamoja na morali ya wachezaji hasa wakiwa Uwanjani.

"Kwa sasa tunajiandaa na mchezo wetu dhidi ya Kagera Sugar ambao utakuwa ni wa kombe la Shirikisho ni mchezo mgumu ila tutapambana kupata matokeo chanya kwenye mchezo huo," amesema Cheche.

Azam FC watamenyana na Kagera Sugar Ijumaa ya wiki ijayo Machi 29 saa kumi jioni Uwanja wa Kaitaba.