KOCHA SIMBA AUMIZA KICHWA JUU YA MAZOEZI YA WACHEZAJI WAKE WALIOITWA TAIFA STARS

Kocha Mkuu wa timu ya Simba, Patrick Aussems ameingiwa na wasiwasi juu ya wachezaji wake kutokana na mazoezi ya mara mbili kwa siku wanayofanya katika kikosi cha Taifa Stars.

Tayari timu hiyo imeshaingia kambini na imeshaanza maandalizi ya mchezo wa kuelekea kufuzu AFCON dhidi ya Uganda utakaopigwa Machi 24 jijini Dar es Salaam.

Aussems amesema mazoezi ya mara mbili kwa siku yanaweza sababisha wachezaji wake wapatwe na uchovu zaidi kwani wanakabiliwa na mashindano ya kimataifa.

Ameeleza mazoezi hayo yatawapa uchovu zaidi wachezaji hao huku akiomba ni vizuri zaidi wakirejea wakiwa salama ili kuendelea na harakati za kupambana na ubingwa.

Simba ina wachezaji wanne katika kikosi cha Taifa Stars ambao ni Jonas Mkude, Aishi Manula, John Bocco pamoja na Erasto Nyoni na wengine wa kimataifa wakiwa washasafiri kuelekea kwao ikiwemo Emmanuel Okwi.