Bale na Isco wamkaribisha tena Zidane kwa ushindi

Gareth Bale na Isco walifunga mabao dhidi ya Celta Vigo na kumkaribisha kocha Zinedine Zidane kwa ushindi katika klabu ya Real Madrid.

Isco, ambaye hajaonekana kupewa nafasi nyingi sana chini ya kocha wa awali Santiago Solari, alifanya mambo kuwa 1-0 alipounganisha krosi ya chini ya mshambuliaji Karim Benzema.

Dakika 13 kabla ya mtanange kukamilika, mshambuliaji wa Wales Gareth Bale aliifungia Real bao la pili wakati shuti yake ya chini iliingia wavuni baada ya kugonga mwamba.

Real sasa wako nyuma ya nambari mbili Atletico Madrid na pengo la pointi mbili katika La Liga.

Vijana hao wa kocha Diego Simeone walizabwa 2 – 0 dhidi ya Athletic Bilbao baadaye Jumamosi. Vinara wa ligi Barcelona watacheza ugenini dhidi ya Real Betis Jumamosi.