ZAHERA AIBUA MAKUCHA YAKE TENA KWA WACHEZAJI YANGA, HANA MCHEZO KABISA!!

Kuelekea mechi ya Kombe la Fa dhidi ya Namungo FC, Kocha Mkuu wa Yanga, Mwinyi Zahera amewaonya wachezaji wake kuhakikisha hawafanyi mchezo kwenye kupute hicho.

Zahera ameeleza kuwa mashindano hayo yana umuhimu mkubwa zaidi kwakwe kwakuwa anaweza kuisaidia Yanga kushiriki mashindano ya Kombe la Shirikisho Afrika.

Kocha huyo amewapiga mkwara wachezaji wake kwa kuwataka wawekeze nguvu zao zote kuelekea mechi hiyo ambayo ni muhimu zaidi kwao.

Amesema hakuna mchezaji anayepaswa kuonesha dharau na timu yoyote ambayo watapangwa nayo kwani mechi zote ni muhimu na zinapaswa kutiliwa maanani.

"Nimewaambia wachezaji wangu wanapaswa kuwekeza nguvu na akili zote kuelekea mechi dhidi ya Namungo, haya ni mashindano muhimu na tunapaswa kushinda mchezo, tunaweza kupata nafasi ya kucheza Kombe la Shirikisho Afrika mwaka huu" alisema.