WANAOTAJWA KUCHUKUA NAFASI YA HANS PALE AZAM HAWA HAPA

Baada ya Kocha Hans van der Pluijm kutimuliwa kazi sambamba na msaidizi wake, Juma Mwambusi katika benchi la ufundi la Azam, tayari wameshaanza kutajwa wengine watakaochukua nafasi ya Mholanzi huyo.

Uongozi wa Azam jana umetanga kuachana na Pluijm kutokana na mwendelezo wa matokeo ambayo hawaridhishwi nayo kama klabu na sasa majina tofauti-tofauti yameanza kuhusishwa na kuchukua nafasi hiyo.

Jina la Kocha Mkuu wa Yanga, Mwinyi Zahera limeanza kuhusishwa kama mbadala wa Pluijm tayari kwenda kuchukua mikoba yake.

Inaelezwa kuna mazungumzo yameshaanza kufanyika kati ya Azam an Zahera kuweza kumalizana naye kuendeleza mapambano ya kuusaka ubingwa wa Ligi Kuu Bara.

Mbali na Zahera, imetajwa pia kuna uwezekano wakamleta Masoud Djuma aliyewahi kuwa Msaidizi wa Simba na pia Kocha wa KMC, Ettiene Ndayiragije ili kuboresha benchi hilo la ufundi.