MAKOMANDOO WANNE WA YANGA WASHIKILIWA NA POLISI KWA VURUGU HUKO NAMUNGO

Wanachama wanne wa Yanga maarufu kama "Makomandoo" wamefikishwa polisi baada ya vurugu kuibuka.

Makomandoo hao kutokea Lindi mjini wanatuhumiwa kumfanyia vurugu meneja wa uwanja wa Namungo mjini Namungo.

"Unajua wale wametokea Lindi Mjini, sasa walitaka kila aliye uwanjani atoke. Maneja akakataa kwa kuwa waliokuwepo walikuwa mafundi katika ujenzi. Kukataa kwake kukawaudhi hao makomandoo ambao wakaanza mzozo na kufikia kumsukuma," kilieleza chanzo.

Makomandoo hao walichukuliwa na askari kwa mahojiano na haijaelezwa kama tayari waliachiwa kwa dhamana au la.

Yanga ipo mjini humo kuwavaa wenyeji wake Namungo FC katika mechi ya Kombe la Shirikisho, kesho.