Simba yaungana na Yanga mtaani, ikilazwa mabao 2-1 Kombe la SportPesa

Timu ya Simba imetolewa kwenye mashindano ya Kombe la SportPesa baada ya kufungwa mabao 2-1  katika mchezo wa nusu fainali uliochezwa Uwanja wa Taifa jijini Dar es Salaam.

Bandari FC itachezwa na mshindi wa mechi kati ya Mbao na Kariobangi Sharks FC. Timu za zingine za Tanzania ambazo zilitolewa hatua ya robo fainali ni Yanga na Singida United.
Awali, straika wa Simba Maddie Kagere ndiye aliitanguliza Simba katika mechi ya nusu fainali dhidi ya Bandari FC baada ya kufunga bao dakika ya 45.
Simba walianza mechi hii wakiwa wanashambulia kwa mashambulizi ya kawaida na kuonekana kushindwa kupenya ngome ya ulinzi ya Bandari.
Simba walikuwa wakishambulia lakini wakifika katika robo ya eneo ya mwisho ya eneo la wapinzani walikuwa wakipoteza mipira mingi.
Mabeki wa kati wa Bandari Odhiambo na Mulumba walionekana kuwa imara katika mshambulizi mengi kwa kuwazuia mastraika wa Simba Kagere na Urikhob kabla ya kupata bao.
Viungo wa Simba Chama, Dilunga, Mzamiru nao walishindwa kupiga pasi za mwisho kwa mastraika huku mipira yao mingo ikinaswa na wapinzani.
Bandari wao waluonekana kuwa imara haswa katika safu ya ulinzi kabla ya kufungwa bao dakika ya mwisho kipindi cha kwanza.
Mpaka kipindi cha kwanza kinamalizika Simba walikuwa mbele kwa bao 1-0. Piga nikupige iliendelea hadi dakika tisini zinakamilika Simba ilikuwa imelala kwa mabao 2-1.