Nusu Fainali ya SportPesa kuendelea Leo

Michuano ya SportPesa Cup inaendelea Leo ikiwa ni hatua ya nusu fainali ambapo timu nne zitakuwa Uwanja wa Taifa kumenyana kumtafuta mshindi atakayecheza hatua ya fainali.

Simba SC ambao wamefika hatua hii baada ya kumfunga AFC Leopards mabao 2-1 ataanza saa 8:00 mchana akimenyana na Bandari ya Kenya ambao waliitoa timu ya Singida United ya Tanzania kwa kuifunga bao 1-0.

Mbao FC ambao waliwang'oa ubingwa Gor Mahia kwa penalti 4-3 baada ya dakika 90 kumalizika kwa sare ya bao 1-1 saa 10:00 jioni atamenyana na KK Sharks ambao waliwatoa vigogo wa Jangwani kwa mabao 3-2.